Ndërlidhjet

logo-print

Tunizi: Konfirmohet fitorja e partisë islamiste në zgjedhje


Autoritetet zgjedhore në Tunizi kanë konfirmuar se partia islamiste e moderuar, Enahda, e ka fituar shumicën e vendeve në Asamblenë e këtij vende, në zgjedhjet e para të lira.

Enahda ka fituar 90 vende, në Asamblenë e re me 217 vende.

Partia e dytë më e fortë, doli ajo e Kongresit të Republikës, me 30 vende, pason partia social-demokrate, Etakatol me 21 vende, në vendin e katërt dolën Partia Demokratike Progresive dhe Al-Aridha, që fituan nga 19 vende.

Mbështetësit e partisë Al-Aridha, së cilës iu zvogëlua numri i votave për shkak të parregullsive, e kanë ndezur zyrën e prefektit të qytetit Sidi Bouzid, në shenjë të protestës. Asambleja e re e dalë nga këto zgjedhje, gjatë një viti do ta përgatisë Kushtetutën e re të Tunizisë.

Revolucioni popullor në këtë vend, ishte i pari në botën arabe, i cili pastaj u përhap edhe në disa vende të tjera.
XS
SM
MD
LG