Militantët pakistanezë thonë se kanë vrarë 15 trupa të sigurisë

Militantët në Pakistan thonë se kanë vrarë 15 anëtarë të forcave të sigurisë së Pakistanit, të cilët ishin rrëmbyer muajin e kaluar.

Një zëdhënës i militantëve pakistanezë tha se këta persona janë vrarë dhe trupat e tyre janë gjuajtur në Vaziristanin Verior, në afërsi të kufirit me Afganistanin.

Ndërkohë, ushtria pakistaneze tha se është duke e verifikuar këtë rast.

Kryengritësit kishin rrëmbyer personat në fjalë më 22 dhjetor, gjatë një sulmi ndaj bazës pakistaneze të sigurisë në rajonin kufitar.