Kroatët kanë votuar të dielën në një referendum për anëtarësimin e vendit në BE, me shpresën dhe optimizmin e liderëve të vendit se shumica e qytetarëve kanë votuar “pro” bashkimit të vendit me bllokun prej 27 vendeve anëtare.
Pavarësisht krizës serioze ekonomike brenda bllokut, sondazhet në Kroaci sugjerojnë se rreth 60 për qind të qytetarëve e mbështesin hyrjen në BE, ndërsa edhe shumica e partive politike në vend janë në favor të kësaj ideje.
Por, nga ana tjetër kundërshtarët e anëtarësimit i frikësohen humbjes së sovranitetit dhe identitetit kombëtar.
Një përgjigje pozitive nga votimi i sotëm do t’i hapte rrugën Kroacisë që zyrtarisht t’i bashkohej bllokut në vitin 2013.(v.k.)
