Ndërlidhjet

RPK: Kosova - e 86-ta për lirinë e shtypit


Grupi Reporterët pa Kufij e ka publikuar sot raportin për Indeksin e lirisë së shtypit për vitin 2011, në të cilin Kosova radhitet në vendin e 86, me 30 pikë.

Në krahasim me vitin 2010, kjo paraqet një përmirësim, pasi atëherë ishte radhitur në vendin 92, me 24.83 pikë.

Shqipëria sivjet është e 96-ta, që në krahasim me vitin 2010, paraqet rënie.

Prej vendeve të rajonit, Maqedonia është e 94-ta, Mali i Zi i 107-ti, Serbia e 80-ta, Bosnjë Hercegovina radhitet në vendin 58, ndërsa Kroacia është e 68-ta.

Sllovenia është radhitur në vendin e 36, ndërsa në dy vendet e para, pra vendet me lirinë më të madhe të shtypit, janë Finlanda dhe Norvegjia.
XS
SM
MD
LG