Zyrtarë të Agjencisë së Kombeve të Bashkuara për Energji Atomike janë nisur drejt Iranit, për të biseduar rreth aktivitetit bërthamor të këtij vendi.
Kryeinspektori i Agjencisë Ndërkombëtare për Energji Bërthamore, Herman Nakaerts, duke folur para largimit nga Vjena, ka shfaqur shpresën se Teherani do t’iu përgjigjet shqetësimeve në lidhje me “dimensionet e mundshme ushtarake të programit të tij atomik”.
Irani ka thënë se do të bashkëpunojë me ekipin e ANEB-it gjatë vizitës së tij treditore, por ka bërë me dije se nuk do të heqë dorë nga pasurimi i uraniumit.
Kjo vizitë mund të hapë udhën për rifillimin e bisedimeve mes Iranit dhe Perëndimit. Raundi i fundit i tyre në janar të 2011-ës ka përfunduar pa ndonjë arritje.
Perëndimi ka ndërmarrë një varg sanksionesh kundër Teheranit, nga droja se synon krijimin e armëve atomike. Republika Islamike i ka hedhur poshtë akuzat.
Kryeinspektori i Agjencisë Ndërkombëtare për Energji Bërthamore, Herman Nakaerts, duke folur para largimit nga Vjena, ka shfaqur shpresën se Teherani do t’iu përgjigjet shqetësimeve në lidhje me “dimensionet e mundshme ushtarake të programit të tij atomik”.
Irani ka thënë se do të bashkëpunojë me ekipin e ANEB-it gjatë vizitës së tij treditore, por ka bërë me dije se nuk do të heqë dorë nga pasurimi i uraniumit.
Kjo vizitë mund të hapë udhën për rifillimin e bisedimeve mes Iranit dhe Perëndimit. Raundi i fundit i tyre në janar të 2011-ës ka përfunduar pa ndonjë arritje.
Perëndimi ka ndërmarrë një varg sanksionesh kundër Teheranit, nga droja se synon krijimin e armëve atomike. Republika Islamike i ka hedhur poshtë akuzat.