Ndërlidhjet

Presidenti afgan Hamid Karzai iu ka bërë apel qytetarëve afganë që të qetësohen, pas përleshjeve vdekjeprurëse mes forcave afgane të sigurisë dhe protestuesve që kundërshtonin djegien e kopjeve të Kuranit në një bazë ushtarake të NATO-s.

Ministria e Brendshme afgane tha se shtatë persona janë vrarë në dy ditët e protestës, në të cilat mijëra afganë të zemëruar dolën në rrugë.

Ministria tha se policia në Kabul, Xhelalabad dhe në provincën e Logarit ka qëlluar për vdekje nga një protestues, derisa turma e zemëruar sulmonte bazat ushtarake të huaja, policinë afgane dhe ndërtesat e qeverisë.

Raportohet se katër persona janë vrarë në provincën e Parvanit afër bazës ajrore Bagram—ku NATO tha se janë djegur “pa qëllim” disa kopje të Kuranit.

Ambasada Amerikane në Kabul ka mbyllur brenda personelin e saj, duke rekomanduar që të mos dalin jashtë të mërkurën për shkaqe sigurie.
XS
SM
MD
LG