Ndërlidhjet

Protestuesit zhvendosin mburojat e Policisë


27 shkurt, Prishtinë

27 shkurt, Prishtinë

Disa qindra protestues të Lëvizjes Vetëvendosje kanë zhvendosur mburojat metalike, të cilat i ka vendosur policia e Kosovës, për të mbrojtur ndërtesën e Qeverisë dhe të Kuvendit të Kosovës.

Ata po protestojnë në shenjë kundërshtimi ndaj marrëveshjes për fusnotën me të cilën Kosova do të përfaqësohej në forumet rajonale.

Protestuesit gjenden rreth 15-20 metra larg rrethojës së oborrit të Qeverisë së Kosovës ndërsa po brohorasin parullat “Kosova Republikë”, “Poshtë Thaçi”, etj.

Protesta e nisur në orën 12, sipas Lëvizjes Vetëvendosje ka për qëllim që “bllokojë për katër orë punën e Qeverisë së Kosovës”.

Ky subjekt opozitar është deklaruar fuqishëm kundër marrëveshjes së arritur ndërmjet Kosovës dhe Serbisë, duke thënë se mospërfshirja e Deklaratës së Pavarësisë së Kosovës në fusnotë “e bën marrëveshjen të papranueshme për institucionet e Kosovës dhe popullin e saj”.
XS
SM
MD
LG