Ndërlidhjet

Maqedoni: 5 mijë vetë protestojnë kundër vrasjes së dy shqiptarëve


Protestë kundër brutaliteti policor në Shkup, më 28 shkurt, pas vrasjes së dy të rinjëve shqiptarë në Gostivar

Afro 5 mijë shqiptarë kanë protestuar sot në Gostivar kundër vrasjes së dy të rinjëve shqiptarë nga ana e një polici maqedonas.

Duke bartur flamuj kombëtarë shqiptarë dhe parulla ku shkruante “shqiptarët duan drejtësi”, protestuesit kanë marshuar nëpër qendër të qytetit dhe kanë kërkuar dorëheqjen e ministres së brendshme të Maqedonisë.

Ata kanë kërkuar që kryesi i veprës të dënohet.

Protesta u bë dy ditë pas vrasjes së Besnik Shehapit (26 vjeçar) dhe Imran Mehmeti (30 vjeçar) nga një polic maqedonas.

Organizata për Siguri dhe Bashkëpunim në Evropë (OSBE) u ka bërë thirrje partive që këtë rast të mos e shfyrtëzojnë për nevoja politike dhe ka kërkuar “uljen e tensioneve”.

Polici maqedonas është në paraburgim 30 ditësh.
XS
SM
MD
LG