Ndërlidhjet

logo-print

Sulmuesja vetëvrasëse vret pesë policë


Pas sulmit në Dagestan...

Pas sulmit në Dagestan...

Pesë policë rusë janë vrarë dhe dy të tjerë janë plagosur kur një sulmuese vetëvrasëse ka shpërthyer eksplozivët e saj në një post-bllok të Dagestanit në Kaukaz.

Sulmi ka ndodhur në fshatin Karabudakhent, rreth 30 kilometra në jug të kryeqytetit Makaçkala.

Policia ka identifikuar sulmuesen si Amiat Ibrahimova, e cila thuhet të ketë qenë e veja e një luftëtari kryengritës, që është vrarë nga forcat e sigurisë muajin e kaluar.

Rajoni i Kaukazit, që është pjesë e Federatës Ruse, është zonë e përleshjeve të armatosura mes forcave qeveritare dhe kryengritësve.

Sulmi i fundit i madh, që është kryer nga rebelët e Kaukazit Verior, ka pasur në shënjestër Aeroportin Domodedovo të Moskës në janar të 2011-ës, ku 37 njerëz kanë humbur jetën.
XS
SM
MD
LG