Ndërlidhjet

Hamasi qëndron jashtë konfliktit Izrael-Iran


Ilustrim me pamje arkivore nga Rripi i Gazës

Ilustrim me pamje arkivore nga Rripi i Gazës

Lëvizja palestineze, Hamas, ka thënë se nuk do të godasë Izraelin në rast se do të ndodhte ndonjë konflikt i armatosur ndërmjet Iranit dhe shtetit hebre.

Zëdhënësi i Hamasit, Favzi Barhun, ka thënë se grupi nuk ka aftësi për të qenë pjesë e një “lufte rajonale”.

Udhëheqësi i lartë i Hamasit, Ahmed Jusuf, ka hedhur poshtë pretendimet e Izraelit se kjo lëvizje do të hidhte raketa në drejtim të Izraelit, në çdo luftë me Iranin.

Komentet vijnë në mesin e spekulimeve se Izraeli mund të sulmojë pozicionet bërthamore të Iranit në muajt e ardhshëm.

Hamasi, i cili sundon Rripin e Gazës që nga viti 2007, ka qenë për kohë të gjatë aleat i Iranit.

Por, analistët thonë se marrëdhëniet e tyre janë përkeqësuar në javët e fundit, për shkak se lëvizja islamike ka refuzuar të mbështesë hapur regjimin e presidentit të Sirisë, Bashar al-Asad, që është një tjetër aleat i Iranit.
XS
SM
MD
LG