Ndërlidhjet

logo-print

Francë: Katër persona u vranë në Tuluz


Policia zhvillon hetime afër shkollës së hebrenjëve në Tuluz, ku ndodhi vrasja e katër personave

Policia zhvillon hetime afër shkollës së hebrenjëve në Tuluz, ku ndodhi vrasja e katër personave

Zyrtarët francezë thonë se së paku katër vetë, përfshirë tre fëmijë,janë vrarë nga të shtënat, afër një shkolle hebrenje, në pjesën jugperëndimore të Francës.

Nga sulmi i sotëm në qytetin Tuluz, poashtu, janë plagosur disa persona. Një prej tyre është në gjendje serioze shëndetësore.

Policia është në kërkim të personit të armatosur, i cili sipas dëshmitarëve, ishte me një motoçikletë.

Ky sulm u bë pasi tre ushtarë u vranë nga të shtënat e ndara në këtë rajon, fundjavën e kaluar. Ka dyshime se ata janë vrarë nga një person me motoçikletë.

Presidenti i Francës, Nikollas Sarkozi, tha se “është shumë herët” për ta ndërlidhur sulmin e sotëm afër shkollës hebrenje me vrasjet e ushtarëve javën e kaluar.
XS
SM
MD
LG