Ndërlidhjet

Obama i mbron komentet e tij private dhe i sulmon republikanët


Barak Obama dhe Dmitri Medvedev gjatë takimit të tyre të djeshëm në Seul
Barak Obama dhe Dmitri Medvedev gjatë takimit të tyre të djeshëm në Seul
Presidenti amerikan, Barak Obama, i ka mbrojtur komentet e tij private me presidentin rus, Dmitri Medvedev, pasi republikanët opozitarë në Shtetet e Bashkuara, e kanë akuzuar atë se planifikon t’i plotësoj kërkesat ruse, nëse ai do të rizgjedhej në nëntor.

Mbrëmë, mikrofonat e aktivizuar e kanë regjistruar Obamën duke i thënë Medvedevit, në samitin në Seul të Koresë Jugore, se do të ketë “më tepër fleksibilitet”, për çështjen e kontrollit të armatimit, e veçanërisht për mbrojtjen raketore të Shteteve të Bashkuara në Evropë, që aktualisht kundërshtohet nga Rusia, pas zgjedhjeve të nëntorit, në të cilat ai synon rizgjedhjen.

Ja dialogu ndërmjet Obamës e Medvedevit:

Obama: Kjo është zgjedhja ime e fundit. Pas zgjedhjeve kam më tepër fleksibilitet.

Medvedev: E kuptoj. Do ta transmetoj këtë informacion te Vlladimiri”.

Kandiati kryesor për nominimin republikan për zgjedhjet e nëntorit kundër Obamës, Mit Romni, e ka akuzuar Obamën se është shumë i gatshëm për t’i bërë lëshime Moskës.

Sot, Barak Obama, e ka hedhur poshtë çfarëdo mungese të konsekuencës dhe tha se atmosfera parazgjedhore në Uashington, nuk është përçuese e diskutimit dy partiak të çështjeve të ndjeshme të politikës së jashtme.
XS
SM
MD
LG