Ndërlidhjet

Sony shkurton 10 mijë vende pune


Djemtë luajnë me videolojërat Sony Playstation në një dyqan elektronik në Tokio

Sony tha se do të shkurtojë 10 mijë vende pune, ose 6 për qind të forcës punëtore globale të kompanisë.

Shkurtimet do të ndodhin brenda 12 muajve të ardhshëm, meqë kompania ka pësuar humbje të mëdha.

Masa është pjesë e riorganizimit të madh të Sony-t që ka thënë se do të fokusohet në tri fusha- imazhet digjitale, video-lojërat dhe telefonat celularë.

Të martën, Sony parashikoi një humbje vjetore prej 6.4 miliardë dollarësh, që është dyfishi i vlerësimit të mëhershëm.

Sony është në konkurrencë në biznesin e televizorëve me Samsungun e Koresë Jugore dhe LG-në, ndërsa Apple i ka sfiduar këto kompani në garën e telefonave.

Prodhuesi japonez i televizorëve Sharp pritet të ketë një humbje vjetore prej 4.7 miliardë dollarësh këtë vit.
XS
SM
MD
LG