Ndërlidhjet

Shpaloset skandali i prostitucionit në SHBA


Pjesëtarë të Shërbimit Sekret në përcjellje të presidentit amerikan Barak Obama, foto nga arkivi

Pjesëtarë të Shërbimit Sekret në përcjellje të presidentit amerikan Barak Obama, foto nga arkivi

Po shpaloset në Uashington skandali i prostitucionit që përfshiu anëtarët e ekipit të sigurisë të presidentit amerikan Barak, ku një shërbim elitar i zbulimit po kryen një hetim të urdhëruar nga Shtëpia e Bardhë.

Njëmbëdhjetë anëtarë të Shërbimit të Fshehtë të Obamës thuhet se janë shoqëruar me rreth 20 prostituta në një hotel në Kartagjenë të Kolumbisë, derisa po përgatitnin vizitën e Obamës në samitin e Amerikave.

Agjentët janë liruar nga detyra dhe janë dërguar në shtëpi dhe tash po hetohen për sjellje të keqe.

Zyrtarët e SHBA-së dhe të Kolumbisë po përpiqen që të zbulojnë femrat me qëllim të intervistimit të tyre për të parë se çka kanë mundur t’iu thonë agjentët për aranzhimet e sigurisë së Obamës.

Obama ka kërkuar hetim të plotë, ndërsa Kongresi ka kërkuar seancë dëgjimore në lidhje me skandalin.
XS
SM
MD
LG