Ndërlidhjet

India lanson raketë me rreze të gjatë veprimi


Pamje arkivore nga India

Mediat në Indi raportojnë se vendi ka lansuar një raketë me rreze të gjatë veprimi, e cila ka aftësi të bartë koka nukleare dhe të sulmojë qytetet e mëdha kineze.

Raportohet se raketa Agni-V është lansuar të enjten në mëngjes nga ishulli Uiller në bregdetin lindor të Indisë. Qeveria tha më vonë se prova ishte e suksesshme.

Qeveria ka përshëndetur raketën Agni-V, që ka rreze të gjatë veprimi prej 5 mijë kilometrash, si një përparim të madh në përpjekjet për të luftuar dominimin rajonal të Kinës dhe për t’u bërë fuqi aziatike.

Analistët thonë se vetëm pesë vendet e përhershme anëtare të Këshillit të Sigurimit- SHBA, Britania, Franca, Rusia, Kina, si dhe jashtë KS-së, Izraeli, besohet të kenë armë të tilla me rreze të gjatë veprimi.
XS
SM
MD
LG