Ndërlidhjet

Bahrejn: Një person është vrarë para garave të Formulës 1


Pamje e kryeqytetit Manama

Pamje e kryeqytetit Manama

Raportohet se një person është gjetur i vrarë me plagë nga arma e zjarrit në Bahrejn, pas përleshjeve gjatë natës me policinë.

Një grup opozitar tha se kufoma e personit Salah Abas Habib, është gjetur në fshatin shiit Shakhira, afër kryeqytetit Manama.

Autoritetet e kanë filluar hetimin me qëllim që të zbuten tensionet, një ditë pasi dhjetëra mijëra njerëz morën pjesë në protestat e dhunshme, në të cilat kërkohej përfundimi i goditjes ndaj kundërshtarëve politikë.

E gjithë kjo po ndodhë para garës autmobilistike Fromula 1, që mbahet nesër në Bahrejn. Protestuesit e kanë kundërshtuar edhe mbajtjen e kësaj gare.

Raportohet se në rrugët e kryeqytetit Manama po patrullojnë makina të blinduara.

Vitin e kaluar kjo garë automobilistike ishte anuluar, meqë afro 30 vetë ishin vrarë gjatë goditjes së trupave qeveritare kundër protestuesve, të udhëhequr nga shumica shiite në Bahrejn, që kërkonin që familja mbretërore sunite në këtë vend, t’i përmirësoj të drejtat e njeriut dhe të kryejë reforma politike.
XS
SM
MD
LG