Ndërlidhjet

Egjipti anulon eksportet e gazit në Izrael


Ilustrim

Ilustrim

Kompanitë egjiptiane kanë anuluar kontratat për furnizimin me gaz natyror të Izraelit, për shkak të një mosmarrëveshjeje tregtare.

Lajmin e ka konfirmuar Mohamed Shoeb, kreu i Kompanisë Egjiptiane për Gaz Natyror, duke thënë se vendimi është marrë më 19 prill.

Shoeb ka thënë se vendimi “nuk ka të bëjë me asgjë tjetër, jashtë marrëdhënieve tregtare” dhe ka akuzuar Izraelin se ka dështuar të paguajë faturat e tij të gazit për disa muaj.

Izraeli ka thënë se tubacioni është goditur “më shumë se dhejtë herë” nga shpërthimet që nga përmbyusja e ish-liderit egjiptian, Hosni Mubarak, në fillim të 2011-ës, dhe se “Egjipti nuk ka siguruar sasinë e gazit, të specifikuar në kontrata”.

Izraeli furnizohet nga Egjipti me 40 për qind të gazit.
XS
SM
MD
LG