Ndërlidhjet

logo-print

Daçiq: Grupet shqiptare planifikojnë sulme më 6 maj

  • RFE /RL

Ivica Daçiq

Ivica Daçiq

Ministri i Punëve të Brendshme i Serbisë, Ivica Daçiq, ka deklaruar se posedon informacione, se siç i ka quajtur ai, “ekstremistët shqiptarë dhe formacionet paraushtarake kërcënojnë me aksione, që kanë për qëllim pengimin e zgjedhjeve të Serbisë më 6 maj”.

Ai iu ka thënë gazetarëve në Beograd se eksiztojnë informacione të shërbimeve serbe dhe të huaja se jo vetëm “Qeveria e Prishtinës, por edhe grupacione të ndryshme ekstreme të shqiptarëve, që nuk janë nën kontrollin e KFOR-it dhe EULEX-it, planfikojnë aksione të caktuara”.

Shefi i policisë serbe, ka thënë se këto grupe planifikojnë “sulme fizike ndaj vendvotimeve serbe, konfiskim dhe djegie të materialit zgjedhor, si dhe arrestime e sulme ndaj njerëzve që marrin pjesë në komisionet zgjedhore”.

Daçiq ka thënë se për shkak të këtyre aksioneve, KFOR-i e ka forcuar praninë në Kosovë.

Ai ka vlerësuar se për Serbinë është sukses i madh, që zgjedhjet në Kosovë do të mbahen sipas ligjeve serbe dhe me ndihmën e OSBE-së.(a.i.)
XS
SM
MD
LG