Ndërlidhjet

KS - ultimatum Sudanit dhe Sudanit Jugor


Pamje nga dhuna në Sudanin Jugor

Pamje nga dhuna në Sudanin Jugor

Këshilli i Sigurimit i Kombeve të Bashkuara ka miratuar unanimisht rezolutën, e cila i jep Sudanit dhe Sudanit Jugor 48 orë kohë për të ndaluar armiqësitë dhe për të filluar negociatat e paqes.

Rezoluta u bën thirrje dy shteteve, të cilat janë ndarë vitin e kaluar, që “të ndërpresin menjëherë të gjitha armiqësitë dhe të tërheqin trupat në territoret e tyre”.

Dokumenti kërcënon me “masa shtesë” nëse ndonjëra palë dështon të veprojë në përputhje me kushtet e vëna.

Sudani dhe Sudani Jugor janë ndarë në korrik të vitit të kaluar, por ata nuk kanë arritur ende marrëveshje kufitare dhe as për mënyrën e ndarjes së të ardhurave nga rezervat e naftës.
XS
SM
MD
LG