Ndërlidhjet

Greqi: Pritet vazhdim i bisedimeve për formimin e qeverisë


Aleksis Tsipras dhe Evagelos Venizelos (djathtas) pas një takimi të tyre në Athinë

Në Greqi sot pritet që liderët politikë do ta bëjnë përpjekjen e minutës së fundit për ta formuar koalicionin qeverisës.

Presidenti Karolos Papulias, do t’i ftoj liderët për bisedime, por nuk pritet ndonjë kthesë e madhe.

Mbrëmë, lideri i PASOK-ut socialist, Evangelos Venizelos, dështoi ta formoj qeverinë e koalicionit, pasi ishte refuzuar nga lideri radikal i majtë, Aleksis Tsipras, i cili ka premtuar se do ta hedhë poshtë ndihmën finacniare për Greqinë, në shumë prej 130 miliardë eurosh.

Nëse bisedimet e sotme dështojnë, presidenti Papulias do të jetë i detyruar ta caktoj mbajtjen e zgjedhjeve të reja.

Perspektiva e mbajtjes së zgjedhjeve të reja, pas votimeve të së dielës, ka ndikuar në rënien e aksioneve në Greqi, ndërsa monedha euro është në nivelin më të ulët prej muajit janar.

Zgjedhjet e reja me gjasë, mund të mbahen në mes të qershorit.

Të majtit radikal, që dëshirojnë të mos e pranojnë ndihmën prej 130 miliardë eurosh, po udhëheqin në shumicën e hulumtimeve të opionionit.
XS
SM
MD
LG