Ndërlidhjet

Pasaporta serbe sherr për ekstradim në Serbi


Pasaportat e Serbisë

Pasaportat e Serbisë

Përfaqësuesit e institucioneve të Kosovës zotohen se janë të përkushtuar që t’ju dalin në ndihmë qytetarëve kosovarë, të cilët janë të dënuar në burgjet e shteteve të ndryshme evropiane.

Mirëpo, kjo nuk vlen për të burgosurit, të cilët gjenden në burgjet e shtetit serb, për shkak të raporteve aktuale ndërmjet dy vendeve.

Në përpjekje për të pamundësuar ekstradimin e kosovarëve për në Serbi, Qeveria e Kosovës, ka nënshkruar një marrëveshje për ekstradimin e kosovarëve nga Zvicra në Kosovë.

Ministri i Drejtësisë, Hajredin Kuçi, ka thënë të hënën se të gjithë qytetarët e kosovarë, që kanë nënshtetësinë e Kosovës, do të mbrohen nga institucionet e vendit.

Hajredin Kuçi

Hajredin Kuçi

“Qytetarët e Kosovës që kanë pasaportën e Kosovës, që kanë shtetësinë e Kosovës, do ta gëzojnë mbrojtjen e Republikës së Kosovës kudo që gjenden në vendet e tjera. Do të jemi të kujdesshëm që ata të mos ekstradohen në asnjë vend, po në veçanti do të thosha në Serbi ku kryekëput aktakuzat e tyre janë me motive politike”, ka deklaruar Kuçi.

Nga fletë-arrestet që Serbia i ka lëshuar nëpër botë, nëpërmjet Interpolit dhe Europolit, kanë rënë viktimë një numër i konsiderueshëm i qytetarëve të Kosovës.

Madje, disa qytetarë kosovarë edhe më tej vazhdojnë të qëndrojnë në burgjet serbe.

Shemsi Nuhiu, një qytetar nga komuna e Gjilanit, i cili ishte arrestuar në Zvicër në bazë të një urdhër-arresti serb, në muajin mars ishte ekstraduar në Serbi.

Për shkak të arratisë, Nuhiu në Serbi ishte gjykuar në mungesë, nën akuzat se ai dhe 16 pjesëtarë të tjerë të “Grupit të Gjilanit” kanë kryer krime lufte kundër civilëve serbë në Gjilan.

Nuhiu ishte arrestuar në Zvicër para një viti, ndërsa vendimi i Gjykatës Federale zvicerane për ekstradimin e tij kishte hyrë në fuqi më 7 mars.

Mirëpo, ambasadorja e shtetit zviceran, Kristina Marti, ka thënë se tash me nënshkrimin e marrëveshjes për ekstradimi ndërmjet Kosovës dhe Zvicrës, transferimi i kosovarëve nga Zvicra do të jetë më i lehtë.

“Kjo marrëveshje u mundëson personave të dënuar në një vend tjetër, që dënimin e tyre ka kryejnë në vendin e tyre”.

“Kjo bëhet e mundur përmes një instrumenti modern, i cili i merr parasysh zhvillimet e fundit në fushën e transferimit të personave të dënuar ashtu siç është e rregulluar edhe nga Këshilli i Evropës”,
ka sqaruar ambasadorja Marti.

Nga ana tjetër, Ismet Salihu, profesor i së Drejtës Penale në Universitetin e Prishtinës, ka sqaruar se qytetarët, të cilët kanë pasaportë të shtetit serb dhe janë të dënuar në një shtet evropian, mund të ekstradohen në Serbi pasi që pasaporta tregon shtetësinë e një qytetari.
Në rastet kur një qytetar ka dy shtetësi sikur serbët që mund të kenë shtetësinë edhe të Kosovës edhe të Serbisë dhe kërkohet nga Serbia, atëherë vetë shteti, i cili vendos për ekstradim për dorëzim, vendos se cilit shtet do t’ia dorëzojë...

“Në rastet kur një qytetar ka dy shtetësi sikur serbët që mund të kenë shtetësinë edhe të Kosovës edhe të Serbisë dhe kërkohet nga Serbia, atëherë vetë shteti, i cili vendos për ekstradim për dorëzim, vendos se cilit shtet do t’ia dorëzojë - Kosovës apo Serbisë. Por, këtu në këtë rast, duhet të merret parasysh edhe vendbanimi, vendqëndrimi, ku e ka familjen etj”, ka thënë Salihu.

Për shkak të mosanëtarësimit në Interpol, Kosova nuk mund të kërkojë shfuqizimin e fletarrestimeve të lëshuara nga Serbia, të cilat i konsideron politike.
  • 16x9 Image

    Arton Konushevci

    Arton Konushevci merret me gazetari që nga viti 2001. Në vitin 2007 ka filluar të punojë si korrespondent i Radios Evropa e Lirë. Jeton në Prishtinë, është i martuar dhe ka dy fëmijë.

Trego komentet

XS
SM
MD
LG