Ndërlidhjet

Forcat detare të Bashkimit Evropian kanë kryer një sulm ajror kundër një baze piratësh në Somali.

Një zëdhënës tha se aeroplanët e marinës së BE-së dhe helikopterë sulmues kanë marrë pjesë në aksion.

Nuk është raportuar për viktima në sulmin që ndodhi në bregdetin qendror të Somalisë, në rajonin Galmudug.

Majkëll Man, zëdhënës i kryediplomates së BE-së, Ketrin Eshton, tha se aksioni ishte pjesë, e asaj që ai e përshkruajti qasje gjithëpërfshirëse në luftën kundër piratëve.

Muajin e kaluar, BE hapi rrugën që forcat e saj të sulmojnë piratët në bregdetin somalez.

Në vitet e fundit piratët somalezë kanë kapur disa anije përgjatë Oqeanit Indian duke kërkuar haraç për lirimin e tyre.

Aktualisht besohet se ata janë duke i mabjtur 17 anije me 300 anëtarë të ekuipazhit.
XS
SM
MD
LG