Ndërlidhjet

logo-print

Sida: Regjimi në Siri i numëron çastet e fundit


Pamje pas një shpërthimi të mëhershëm në një autobus ushtarak në një lagje të Damaskut në Siri

Pamje pas një shpërthimi të mëhershëm në një autobus ushtarak në një lagje të Damaskut në Siri

Shefi i ri i koalicionit kryesor opozitar në Siri, Abdelbaset Sida, thotë se regjimi i presidentit Bashar al-Asad, po i “numëron çastet e fundit” dhe se e ka humbur kontrollin ndaj disa qyteteve në Siri.

Këto komente zoti Sida i bëri vetëm disa orë pasi të shtunën u zgjodh lider i ri i Këshillit Kombëtar Sirian.

Ky koalicion opozitar me seli në Stamboll, kërkon përfundimin e sundimit të Asadit me mjete juridike.

Sida tha se “duke i shumëfishuar masakrat dhe bombardimet” në Siri, shihet se regjimi i Asadit e ka humbur durimin.

Abdelbaset Sida është aktivist kurd 56 vjeçar dhe jeton në ekzil në Suedi.

Në këtë post ai e zëvendësoi akademikun Burhan Ghaloiun, që ishte i vendosur në Paris.
XS
SM
MD
LG