Partia konservatore e Greqisë, Demokracia e Re, ka nisur bisedimet për formimin e koalicionit, pas përfundimit të zgjedhjeve parlamentare.
Me pothuajse të gjitha votat e numëruara, Demokracia e Re ka fituar afro 30 për qind të tyre, ndërsa rivalja e saj kryesore, Syriza, 27 për qind.
Lideri i Demokracisë së Re, Antonis Samaras, ka thënë se votimet e së dielës kanë dëshmuar se grekët duan të mbesin në Eurozonë.
“Populli grek ka shprehur vullnetin e tij për të qëndruar i lidhur me euron, për të mbetur pjesë integrale e Eurozonës, për të respektuar angazhimet e vendit dhe për të nxitur rritjen ekonomike. Kjo është fitore për gjithë Evropën”.
“U bëj thirrje të gjitha partive politike që ndajnë këto synime, të bashkojnë forcat dhe të formojnë një qeveri të re të qëndrueshme. Unë do të bëj që sakrificat e popullit grek t’i rikthejnë vendit prosperitetin”, ka thënë Samaras.
Sipas rezultateve, Demokracia e Re do të ketë 130 ulëse në parlamentin 300-vendesh. Ajo do të pasohet nga Syriza me 71 dhe Pasok-u me 33. Ultra-nacionalistët kanë fituar 6.9 për qind të votave dhe 18 mandate, ndërsa e majta demokratike 6.1 për qind të tyre dhe 18 mandate.
Po sipas këtyre rezultateve, Demokracia e Re dhe Pasok-u do të mund të formojnë një koalicion të shumicës.
Lideri i Pasok-ut socialist, Evangelos Venizelos, ka bërë thirrje për krijimin e një qeverie me përgjegjësi kombëtare, e cila do të jetë në gjendje të bëjë “zgjedhje të vështira”.
“Duhet të ketë një qeveri, një qeveri të aftë për të siguruar funksionimin e shtetit, të ekonomisë dhe të shoqërisë; një qeveri të aftë për të kryer me sukses fazën e dytë të negociatave me partnerët tanë evropianë dhe për të çuar vendin tonë në një gjendje më të mirë, jo më të keqe. Ky lloj i qeverisë është qeveri e përgjegjësisë kombëtare, me pjesëmarrjen e Demokracisë së Re, Syriza-s, Pasok-ut dhe të Majtës Demokratike”, ka thënë Venizelos.
Lideri i Syriza-s, parti kjo që kundërshton masat e ashpra të kursimit për të shpëtuar Greqinë nga falimentimi, ka hedhur poshtë thirrjet e tilla. Aleksis Tsipras ka thënë se partia e tij do të mbetet në opozitë.
“Që nga e hëna do të vazhdojmë betejën tonë, duke besuar se e ardhmja nuk u përket atyre që terrorizojnë shpresën, por atyre që e mbështesin atë. Dita e re për Greqinë tashmë ka zbardhur”, ka thënë Tsipras.
Zyrtarët evropianë kanë mirëpritur rezultatet, duke shfaqur shpresën se qeveria e re greke do të formohet së shpejti.
“Ne gjithmonë kemi thënë se Greqia i takon familjes evropiane, Bashkimit Evropian dhe Eurozonës. Andaj, ata (populli grek) e kanë bërë të qartë këtë. Jemi të lumtur me këtë zgjedhje”, ka thënë presidenti i Këshillit Evropian, Herman Van Rompuj.
Diplomatët evropianë kanë qenë të shqetësuar me fitoren eventuale të Syriza-s, e cila ka thënë se do të heqë dorë nga marrëveshjet për ndihma me Bashkimin Evropian dhe Fondin Monetar Ndërkombëtar – çfarë do të rrezikonte edhe daljen e Greqisë nga Eurozona.
Kancelarja gjermane, Angela Merkel, ka uruar Samarasin për fitoren dhe ka shprehur bindjen se Athina do të veprojë në përputhje me angazhimet e saj të mëparshme.
Fondi Monetar Ndërkombëtar ka lëshuar një deklaratë duke thënë se është i gatshëm “të angazhohet me qeverinë e re” dhe të ndihmojë Greqinë të ecë përpara. (v.t.)
Me pothuajse të gjitha votat e numëruara, Demokracia e Re ka fituar afro 30 për qind të tyre, ndërsa rivalja e saj kryesore, Syriza, 27 për qind.
Lideri i Demokracisë së Re, Antonis Samaras, ka thënë se votimet e së dielës kanë dëshmuar se grekët duan të mbesin në Eurozonë.
“Populli grek ka shprehur vullnetin e tij për të qëndruar i lidhur me euron, për të mbetur pjesë integrale e Eurozonës, për të respektuar angazhimet e vendit dhe për të nxitur rritjen ekonomike. Kjo është fitore për gjithë Evropën”.
“U bëj thirrje të gjitha partive politike që ndajnë këto synime, të bashkojnë forcat dhe të formojnë një qeveri të re të qëndrueshme. Unë do të bëj që sakrificat e popullit grek t’i rikthejnë vendit prosperitetin”, ka thënë Samaras.
Sipas rezultateve, Demokracia e Re do të ketë 130 ulëse në parlamentin 300-vendesh. Ajo do të pasohet nga Syriza me 71 dhe Pasok-u me 33. Ultra-nacionalistët kanë fituar 6.9 për qind të votave dhe 18 mandate, ndërsa e majta demokratike 6.1 për qind të tyre dhe 18 mandate.
Po sipas këtyre rezultateve, Demokracia e Re dhe Pasok-u do të mund të formojnë një koalicion të shumicës.
Lideri i Pasok-ut socialist, Evangelos Venizelos, ka bërë thirrje për krijimin e një qeverie me përgjegjësi kombëtare, e cila do të jetë në gjendje të bëjë “zgjedhje të vështira”.
“Duhet të ketë një qeveri, një qeveri të aftë për të siguruar funksionimin e shtetit, të ekonomisë dhe të shoqërisë; një qeveri të aftë për të kryer me sukses fazën e dytë të negociatave me partnerët tanë evropianë dhe për të çuar vendin tonë në një gjendje më të mirë, jo më të keqe. Ky lloj i qeverisë është qeveri e përgjegjësisë kombëtare, me pjesëmarrjen e Demokracisë së Re, Syriza-s, Pasok-ut dhe të Majtës Demokratike”, ka thënë Venizelos.
Lideri i Syriza-s, parti kjo që kundërshton masat e ashpra të kursimit për të shpëtuar Greqinë nga falimentimi, ka hedhur poshtë thirrjet e tilla. Aleksis Tsipras ka thënë se partia e tij do të mbetet në opozitë.
“Që nga e hëna do të vazhdojmë betejën tonë, duke besuar se e ardhmja nuk u përket atyre që terrorizojnë shpresën, por atyre që e mbështesin atë. Dita e re për Greqinë tashmë ka zbardhur”, ka thënë Tsipras.
Zyrtarët evropianë kanë mirëpritur rezultatet, duke shfaqur shpresën se qeveria e re greke do të formohet së shpejti.
“Ne gjithmonë kemi thënë se Greqia i takon familjes evropiane, Bashkimit Evropian dhe Eurozonës. Andaj, ata (populli grek) e kanë bërë të qartë këtë. Jemi të lumtur me këtë zgjedhje”, ka thënë presidenti i Këshillit Evropian, Herman Van Rompuj.
Diplomatët evropianë kanë qenë të shqetësuar me fitoren eventuale të Syriza-s, e cila ka thënë se do të heqë dorë nga marrëveshjet për ndihma me Bashkimin Evropian dhe Fondin Monetar Ndërkombëtar – çfarë do të rrezikonte edhe daljen e Greqisë nga Eurozona.
Kancelarja gjermane, Angela Merkel, ka uruar Samarasin për fitoren dhe ka shprehur bindjen se Athina do të veprojë në përputhje me angazhimet e saj të mëparshme.
Fondi Monetar Ndërkombëtar ka lëshuar një deklaratë duke thënë se është i gatshëm “të angazhohet me qeverinë e re” dhe të ndihmojë Greqinë të ecë përpara. (v.t.)
