Ndërlidhjet

logo-print

OKB: Fillon samiti për ekonominë e “gjelbër”


Indianët brazilianë presin të marrin pjesë në lojëra të ndryshme në kuadër të samitit të ekonomisë së "gjelbër"

Indianët brazilianë presin të marrin pjesë në lojëra të ndryshme në kuadër të samitit të ekonomisë së "gjelbër"

Samiti triditësh i Kombeve të Bashkuara, që synon vendosjen e ekonomisë globale në një bazë më të qëndrueshme ambientale, hapet sot në Rio de Zhanejro të Brazilit.

Ky samit është cilësuar si rast i jashtëzanokshëm për ribalancimin e ekonomisë botërore dhe çrrënjosjen e varfërisë, pa e dëmtuar ambientin.

Megjithatë, propozim teksti final i samitit është kritikuar nga shumë delegatë dhe aktivistë të ambientit për mungesën e përkushtimeve të qarta, të afatet dhe të mjeteve për montorimin e procesit.

Afro 90 liderë, përfshirë sekretarin e përgjithshëm të OKB-së, Ban Ki-mun dhe presidentin e Francës, Fransua Holand, pritet të marrin pjesë në samit.

Por disa të tjerë, siç janë presidenti amerikan, Barak Obama, ai rus, Vlladimir Putin, kryeministri britanik, Dejvid Kamerun, dhe kancelarja gjermane, Angela Merkel, nuk do të marrin pjesë por i dërgojnë zëvendësat e tyre.
XS
SM
MD
LG