Ndërlidhjet

logo-print

Fuqitë botërore u pajtuan për ndryshime politike në Siri


Kofi Anan (i dyti majtas) bisedon me Sergei Lavrovin (i dyti djathats) dhe me Kethrin Eshton para takimit në Gjenevë

Kofi Anan (i dyti majtas) bisedon me Sergei Lavrovin (i dyti djathats) dhe me Kethrin Eshton para takimit në Gjenevë

Fuqitë botërore dhe fqinjët e Sirisë janë pajtuar për orarin e tranzicionit politik për ta përfunduar gjakderdhjen 16 mujore në këtë vend, por është lënë e hapur çështjta e pjesëmarrjes apo mospjesëmarrjes së presidentit aktual, Bashar al-Asad, në këtë proces.

Pas takimit ndërkombëtar që përfundoi mbrëmë vonë në Gjenevë të Zvicrës, i dërguari i OKB-së dhe Ligës Arabe për Sirinë, Kofi Anan, tha se nuk beson se sirianët do t’i zgjedhin individët me “gjak në duart e tyre”.

Sekretarja amerikane e shtetit, Hillari Klinton, tha se ditët e Asadit “janë të numëruara”.

Ministri i jashtëm i Rusisë, Sergei Lavrov, tha se u takon sirianëve e jo Kombeve të Bashkuara, që të vendosin se kush do ta qeverisë Sirinë.

Ministri i jashtëm kinez, Jang Jieçi, ka bërë thirrje që të gjitha palët ta ndalin dhunën “pa vënien e çfarëdo kushti”.

Kombet e Bashkuara thonë se dhuna në Siri është përkeqësuar prej arritjes së marrëveshjes për armëpushim në muajin prill të këtij viti.
XS
SM
MD
LG