Ndërlidhjet

Shpëtohen 4 punëtorë humanitarë në Somali


Kamp refugjatësh në Somali

Zyrtarët ushtarakë të Somalisë dhe të Kenisë kanë shpëtuar katër punonjës të huaj humanitarë që mbaheshin peng në Somalinë e shkatërruar nga lufta.

Katër të punësuar të Këshillit Norvegjez për Refugjatë, nga Pakistani, Kanadaja, Filipinet dhe Norvegjia ishin në mesin e pengjeve që u rrëmbyen në javën e kaluar nga kampi i refugjatëve Dadab në Keninë fqinje. Një ngasës kenian është vrarë gjatë sulmit.

Punonjësit humanitarë thuhet se nuk janë lënduar gjatë operacionit të shpëtimit.

Rrëmbimi ishte i fundit në serinë e dhunës në kampin Dadab, ku sulmuesit në muajin tetor rrëmbyen dy spanjollë që punonin për “Mjekët pa Kufij.

Mjekët spanjollë ende po mbahen peng në Somali.
XS
SM
MD
LG