Qindra mbështetës të opozitës në Ukrainë u mblodhën në Kiev për të protestuar kundër një ligji, i cili rrit statusin zyrtar të gjuhës ruse në këtë shtet.
Mazhoranca e Partisë së Regjioneve e kishte shtyrë përpara miratimin e këtij ligji të martën, duke shkaktuar një valë të pakënaqësive në mesin e deputetëve.
Kryetari i parlamentit, Vollodimir Litvin, ofroi dorëheqjen pas zhvillimeve që pasuan miratimin e ligjit.
Por, për të hyrë në fuqi, ligji duhet të nënshkruhet nga presidenti i Ukrainës, Viktor Janukoviq.(e.p.)