Ndërlidhjet

Morsi rimbledh parlamentin?


Presidenti i Egjiptit, Mohamed Morsi

Presidenti i Egjiptit, Mohamed Morsi

Raportet thonë se presidenti egjiptian Mohamed Morsi ka urdhëruar të dielën që të mblidhet parlamenti i dominuar nga islamikët, një muaj pasi ai u shpërnda nga ushtria.

Agjencia zyrtare e lajmeve MENA citoi Morsin, Vëllazëria Myslimane e të cilit, ka fituar shumicën në parlament, të ketë thënë se legjislativi duhet të mblidhet deri në mbajtjen e zgjedhjeve të reja.

Morsi gjithahstu ka bërë thirrje që zgjedhjet e reja parlamentare të mbahen brenda 60 ditësh pas miratimit të kushtetutës së re të vendit, e cila nuk pritet para fundit të këtij viti.

Muajin e kaluar gjeneralët ushtarakë, që ishin në pushtet, shpërndanë legjislativin në bazë të një vendimi të Gjykatës së Lartë Kushtetuese.
XS
SM
MD
LG