Ndërlidhjet

logo-print

Egjipt: Mbetet në fuqi vendimi për shpërndarjen e parlamentit


Egjipt

Egjipt

Gjykata e Lartë e Egjiptit ka lënë në fuqi vendimin e saj për shpërndarjen e parlamentit.

Vendimi i së hënës duket se do të shkaktojë përplasje mes presidentit të ri islamik Mohamed Morsi, i cili të dielën urdhëroi rimbledhjen e parlamentit, pavarësisht vendimit të gjykatës si dhe ushtrisë së fuqishme të Egjiptit, e cila e mbështet gjykatën.

Më herët, kryetari i parlamentit Sad el-Katatni caktoi një seancë të ligjvënësve për të martën duke iu përgjigjur dekretit të Morsit.

Morsi tha se parlamenti duhet të vazhdojë të punojë deri në zgjedhjet e reja, të cilat mund të mbahen brenda 60 ditëve nga miratimi i kushtetutës së re.

Gjykata Supreme vendosi muajin e kaluar se parlamenti ishte i paligjshëm, pasi që ligji zgjedhor i Egjiptit ishte jokushtetues.

Ky vendim është mbështetur nga Këshilli Suprem i Forcave të Armatosura, i cili ka lëshuar një dekret që ia jep vetes të gjitha kompetencat legjislative.
XS
SM
MD
LG