Ndërlidhjet

Kosovë: Hoxhaj i uron kolegut francez Ditën e Bastijës


Enver Hoxhaj

Enver Hoxhaj

Ministri i jashtëm i Kosovës, Enver Hoxhaj, i ka uruar kolegut të tij francez, Loran Fabius, 14 korrikun, Ditën e Bastijës, që është Ditë Kombëtare franceze.

Në urim theksohet se kjo ditë, “shënon lindjen e vlerave të reja të njerëzimit, që e bënë Francën një shtet të rëndësishëm, duke respektuar dhe promovuar Lirinë, Barazinë dhe Vëllazërinë”.

Prej atëherë, vazhdon Hoxhaj në letrën e tij të urimit për zotin Fabius, shpirti i vlerave të reja ka inspiruar kombe dhe shtete gjatë shekujve për liri dhe barazi.

“Falë këtyre vlerave, Franca ka dhënë kontribut thelbësor në shtetësinë e Republikës së Kosovës”, thuhet pos tjerash në urim.
XS
SM
MD
LG