Ndërlidhjet

logo-print

Ekuadori i ofron azil politik Xhulian Asanzhit


Xhulian Asanzh

Xhulian Asanzh

Qeveria e Ekuadorit ka vendosur që t’i ofrojë themluesit të WikiLeaks, Xhulian Asanzh azil, ka bërë me dije ministri i Jashtëm i këtij vendi, Rikardo Patino në një konferencë për gazetarë.

Me heret, Patino e ka akuzuar Britaninë se “ka kërcënuar me bastisjen e ambasadës së Ekuadorit në Londër për ta arrestuar themeluesin e WikiLeaks-it, Xhulian Asanzh.

Patino tha se Britania ka paralajmëruar se do “ta sulmojë ambasadën tonë nëse Ekuadori nuk e dorëzon Xhulian Asanzhenë”.

Asanzhi është ngujuar që nga qershori në ambasadën e Ekuadorit në Londër dhe ka kërkuar azil politik, për t’iu shmangur ekstradimit të tij në Suedi, ku do të përballej me akuzat për keqtrajtim seksual.

Asanzh dhe mbështetësit e tij druajnë se pas ekstradimit në shtetin suedez, ai do të dërgohej për në Shtetet e Bashkuara ku akuzohet për publikimin e mijëra informatave dhe dokumeneteve sekrete të Uashingtonit zyrtar, të cilat i kishte siguruar nga ushtari amerikan Bredli Maning.
XS
SM
MD
LG