Ndërlidhjet

Drejtori i Zyrës për Kosovën në Qeverinë e Serbisë Aleksandar Vulin, sipas mediave serbe do të vizitojë Kosovën të premten dhe të shtunën e ardhshme.

Duke cituar një njoftim për media të kësaj zyre, mediat serbe thonë se Vulin gjatë vizitës së parë që nga marrja e postit të ri do të vizitojë Prizrenin, Shtërpcën, Rahovecin dhe Hoçën e Madhe.

Nuk dihet nëse Vulin iu ka kërkuar leje autoriteteve të Kosovës për këtë vizitë.

Parardhësit të tij, ish ministrit për Kosovën, Goran Bogdanoviq, nuk i është lejuar hyrja në Kosovë, të paktën njëherë, për shkak se zyrtarët serbë janë të obliguar të kërkojnë leje, po që se duan të zhvillojnë vizita zyrtare në Kosovë.
XS
SM
MD
LG