Ndërlidhjet

Siri: Zëvendësi i Asadit u largua, i bashkohet opozitës


Pjesëtarët e Ushtrisë së Lirë të Sirisë në një lagje të kryeqytetit Damask

Pjesëtarët e Ushtrisë së Lirë të Sirisë në një lagje të kryeqytetit Damask

Raportet e mediave në Lindjen e Mesme thonë se zëvendëspresidenti i Sirisë, Farouk al-Shara, ka dezertuar duke iu bashkuar opozitës, dhe ka ikur për në Jordaninë fqinje.

Rrjeti në pronësi saudite, Al – Arabija, ka cituar një aktivist të Ushtrisë së Lirë Siriane opozitare, se al-Shara ishte zhdukur para 10 ditësh dhe se besohet se ka udhëtuar për në Aman.

Ky zhvillim ka ndodhur në periudhën e raporteve për dezertimin e disa zyrtarëve të lartë të qeverisë, përfshirë edhe një të afërm të zëvendëspresidentit al-Shara, kryeministrin, dhe dy anëtarë të kabinetit të presidentit, Bashar al-Asad.

Al-Shara, 74 vjeçar, ka shërbyer si zëvendëspresident prej vitit 2006.

Këto largime të zyrtarëve të lartë të Sirisë në anën e kryengritësve, shihen si një pikë kthese madhore në konfliktin 17 mujor ndërmjet presidentit Asad dhe kryengritësve, që kërkojnë largimin e tij.
XS
SM
MD
LG