Ndërlidhjet

Kushtetuesja rikthen Basheskun


Presidenti rumun Trajan Bashesku
Presidenti rumun Trajan Bashesku
Gjykata Kushtetuese e Rumanisë ka marrë vendim se referendumi për rrëzimin e presidentit Trajan Bashesku ishte i pavlefshëm.

Verdikti e kthen në detyrë Basheskun, i cili u pezullua nga parlamenti më 6 korrik.

Për vendimin e gjykatës, të shpallur të martën kanë votuar 6, kundrejt tre gjykatësve, që kanë qenë kundër.

Koalicioni qeverisës në Rumani, i udhëhequr nga kryeministri majtist, Viktor Ponta, në muajin e kaluar u përpoq që ta rrëzojë Basheskun e qendrës së djathtë përmes referendumit të 29 korrikut, i cili dështoi pasi që pjesëmarrja e votuesve nuk ishte 50 për qind.

Pothuajse 90 për qind e atyre që kanë votuar mbështetën rrëzimin e Basheskut.

Megjithatë, koalicioni qeverisës kontestoi vërtetësine e regjistrave zgjedhorë dhe detyroi gjykatën e lartë të marrë vendim për vlefshmërinë e referendumit.

Referendumi është përcjellë me raportet për mashtrime të shumta zgjedhore nga autorietet në pushtet.

Bashesku është zgjedhur për një mandat të dytë pesëvjeçar në vitin 2009.
XS
SM
MD
LG