Ndërlidhjet

Sulmohet ambasada amerikane në Jemen


Pamje nga Kajro
Pamje nga Kajro
Zemërimi me filmin anti-islamik, të prodhuar në Shtetet e Bashkuara, ka vazhduar të përhapet në gjithë botën myslimane.

Të enjten, demonstruesit kanë sulmuar ambasadën amerikane në kryeqytetin e Jemenit, Sana.

“Zoti është më i madhi! Zoti është më i madhi!”, kanë brohoritur ata.

Ata kanë depërtuar përmes portës kryesore të kompleksit diplomatik, duke thyer dritaret dhe djegur automjetet, para se policia t’i dëbonte me topa uji dhe të shtëna paralajmëruese.

Po sot në Kajro, policia është përleshur me demonstruesit, në ditën e tretë të protestave para ambasadës amerikane.

Të mërkurën, protesta të ngjashme janë shënuar edhe në Tunizi dhe Sudan.

Si pasojë e sulmit të turmave të zemëruara me filmin që tall Profetin Muhamed, të martën ka humbur jetën ambasadori amerikan në Bengazi, Kristofer Stivens, dhe tre bashkëpunëtorë të tij.
XS
SM
MD
LG