Gjermania ka thirrur për konsultime ambasadorin e Bjellorusisë, pasi kjo e fundit u ka refuzuar vizat vëzhguesve evropianë të zgjedhjeve.
Zgjedhjet parlamentare në Bjellorusi do të mbahen këtë të diel.
Ministria e Jashtme gjermane i ka thënë ambasadorit Andrei Giro se refuzimi i vizave, ashtu si edhe kufizimet e shtypit në prag të zgjedhjeve, dërgojnë “sinjale negative”.
Të mërkurën, Organizata për Siguri dhe Bashkëpunim në Evropë ka njoftuar se dy përfaqësuesve të saj – anëtarë nga Gjermania dhe Lituania të Asamblesë Parlamentare të Këshillit të Evropës – u është ndaluar hyrja në Bjellorusi, në cilësinë e monitoruesve.
Zgjedhjet e 23 shtatorit në Bjellorusi pritet t’i lënë shumicën në Parlament presidentit autoritar, Aleksander Lukashenko.
Dy partitë kryesore opozitare kanë njoftuar se do të bojkotojnë procesin zgjedhor.
Zgjedhjet parlamentare në Bjellorusi do të mbahen këtë të diel.
Ministria e Jashtme gjermane i ka thënë ambasadorit Andrei Giro se refuzimi i vizave, ashtu si edhe kufizimet e shtypit në prag të zgjedhjeve, dërgojnë “sinjale negative”.
Të mërkurën, Organizata për Siguri dhe Bashkëpunim në Evropë ka njoftuar se dy përfaqësuesve të saj – anëtarë nga Gjermania dhe Lituania të Asamblesë Parlamentare të Këshillit të Evropës – u është ndaluar hyrja në Bjellorusi, në cilësinë e monitoruesve.
Zgjedhjet e 23 shtatorit në Bjellorusi pritet t’i lënë shumicën në Parlament presidentit autoritar, Aleksander Lukashenko.
Dy partitë kryesore opozitare kanë njoftuar se do të bojkotojnë procesin zgjedhor.
