Ndërlidhjet

logo-print

Obama udhëheq ndaj Romney-t në Ohio e Florida


Presidenti amerikan Barack Obama dhe kandidati republikan, Mitt Romney

Presidenti amerikan Barack Obama dhe kandidati republikan, Mitt Romney

Gjashtë javë përpara zgjedhjeve presidenciale të SHBA-së, një anketë e re e votuesve në shtetet e lëkundura të Ohio-s dhe Florida-s tregon se presidenti Barack Obama ka një epërsi të madhe ndaj kandidatit republikan Mitt Romney.

Sondazhi, i kryer nga Quinnipiac University dhe i autorizuar nga New York Times dhe CBS News, tregon Obamën me një epërsi prej 10-pikësh në Ohio dhe nëntë pikë në Florida.

Nëse Romney humb në këto dy shtete, ekspertët thonë se ai praktikisht e ka të pamundur që të fitojë presidencën.

Ohio konsiderohet si shtet shumë i rëndësishëm, meqë në 12 zgjedhjet e fundit presidenciale, asnjë kandidat nuk ka fituar Shtëpinë e Bardhë pa e fituar këtë shtet.
XS
SM
MD
LG