Ndërlidhjet

logo-print

Personi i lidhur me videon anti-islamike, në paraburgim


Nakoula Basseley Nakoula - Personi i lidhur me videon anti-islamike

Nakoula Basseley Nakoula - Personi i lidhur me videon anti-islamike

Një person që ka lidhje me videon anti-islamike, e cila nxiti reagime dhe trazira në botën muslimane, është mbajtur në paraburgim, pas një seance dëgjimore.

Nakoula Basseley Nakoula është hetuar për shkak të shkeljes së lirimit me kusht, pasi ishte lëshuar nga burgu në vitin 2011 për mashtrim bankar.

Gjatë kohës së lirimit të tij me kusht, Nakoula e kishte të ndaluar kyçjen në internet apo përdorimin e ndonjë pseudonimi, pa lejen e zyrtarëve.

Nakoula, një i krishterë me origjinë nga Egjipti, kishte qëndruar i fshehur, pasi u zbulua se ai ishte personi që qëndronte prapa videos, “Pafajësia e Muslimanëve”.

Klipi ishte dubluar dhe postuar në You Tube, duke shkaktuar zemërim të madh në botën muslimane, për shkak të portretizimit fyes të Profetit Muhamed.
XS
SM
MD
LG