Ndërlidhjet

Franca miraton buxhetin e ri


Kryeministri i Francës, Jean-Marc Ayrault.

Kryeministri i Francës, Jean-Marc Ayrault.

Qeveria e Francës ka miratuar buxhetin e ri. Ai do të rrisë ndjeshëm taksat, në përpjekje për të reduktuar deficitin e qeverisë për 30 miliardë euro.

Qeveria shpreson të zvogëlojë deficitin e saj buxhetor nga 4.5 për qind e Bruto Prodhimit Vendor në 3 për qind.

“Ky është një buxhet luftues. Një buxhet për të rikthyer shëndetin e vendit. Një buxhet për të luftuar borxhin që nuk ndalon të rritet. Një buxhet për drejtësi sociale. Një buxhet për rritje dhe përgatitje për të ardhmen. Është një buxhet i guximshëm dhe i përgjegjshëm”, ka thënë kryeministri i Francës, Jean-Marc Ayrault.

Zyrtarët thonë se dy të tretat e parave për të reduktuar deficitin do të vijnë nga rritja e taksave për familjet e pasura dhe tepricat e shkurtimeve buxhetore.

Kryeministri francez, Jean-Marc Ayrault, ka thënë se rritja e taksave do të ndikojë vetëm te 10 për qind e taksapaguesve francezë.

Kritikët thonë se taksat për të pasurit mund t’i largojnë ata nga Franca.
XS
SM
MD
LG