Ndërlidhjet

logo-print

"Dragon" udhëton sërish në hapësirë


Anija kozimke "Dragon" gjatë ankorimit në Stacionin Ndërkombëtar të Hapësirës

Anija kozimke "Dragon" gjatë ankorimit në Stacionin Ndërkombëtar të Hapësirës

Një kompani private ka kryer nisjen e dytë të një anije kozmike mallrash pa pilot në Stacionin Ndërkombëtar të Hapësirës.

Anija kozmike e quajtur "Dragon" është nisur të dielën në mbrëmje nga Cape Canaveral në Florida.

Anija, që mbante 450 kilogramë ushqim dhe mallra të tjera, pritet të arrijë në stacionin e hapësirës të mërkurën.

Ajo është planifikuar të kthehet në tokë me eksperimente dhe materiale të tjera nga stacioni i hapësirës.

Anija i përket kompanisë "Space Exploration Technologies", apo Space X me seli në Kaliforni.

Në muajin maj, kompania ka dërguar dhe ankoruar me sukses një anije "Dragon" në stacionin e hapësirës, duke shënuar herën e parë që një kapsulë private fluturon në laboratorin orbital.

SpaceX ka një kontratë në vlerë prej 1.6 miliardë dollarësh me NASA-n për të kryer fluturime që kanë për qëllim furnizimin e stacionit ndërkombëtar të hapësirës.
XS
SM
MD
LG