Ndërlidhjet

Siri: Kryengritësit e kanë marrë një bazë ajrore


Pjesëtarët e Ushtrisë së Lirë të Sirisë në linjën e parë të frontit në qytetin Alepo
Pjesëtarët e Ushtrisë së Lirë të Sirisë në linjën e parë të frontit në qytetin Alepo
Aktivistët sirianë thonë se kryengritësit e kanë marrë kontrollin ndaj një baze të mbrojtjes ajrore afër qytetit Alepo.

Videot e publikuara në Internet tregojnë se si kryengritësit i marrin armatimet nga një depo ushtarake, për të cilën ata thonë se ishte në këtë bazë.

Observatori Sirian për të Drejtat e Njeriut me seli në Londër thotë se luftëtarët e ndërlidhur me al-Kaidën të grupit Jabhat al-Nusra, kanë marrë pjesë në marrjen e bazës.

Trupat qeveritare dhe kryengritësit po luftojnë tash e disa muaj për kontrollin ndaj qytetit Alepo, që thuhet se është qyteti më i madh në Siri.

Njëherësh, agjencia Reuters raporton se Turqia sot ka urdhëruar fluturimin urgjent të aeroplanëve luftarakë në kufirin me Sirinë, pasi një helikopter ushtarak sirian e ka bombarduar qytetin kufitar sirian Azmarin.

Turqia i ka tërhequr vërejtjen Sirisë kundër çfarëdo bombardimi të mëtejshëm ndërkufitar, pasi luftimet ndërmjet trupave siriane dhe kryengritësve disa herë kanë kaluar në territorin turk, gjatë javës së kaluar.
XS
SM
MD
LG