Ndërlidhjet

Clinton thotë se siguria e konsullatave është përgjegjësi e saj


Sekretarja amerikane e shtetit Hillary Clinton

Sekretarja amerikane e shtetit Hillary Clinton

Sekretarja amerikane e shtetit, Hillary Clinton, e ka marrë përgjegjësinë për sigurinë në Konsullatën e Shteteve të Bashkuara në Libi, ku nga sulmi i ekstremisëtve më 11 shtator të këtij viti, janë vrarë ambasadori amerikan dhe tre amerikanë të tjerë.

- Unë e marrë përgjegjësinë. Unë jam e ngarkuar për më se 60 mijë njerëzit e Departamentit të shtetit në 275 vend-ndodhje në gjithë botën. Presidenti dhe zëvendëspresidenti me siguri se nuk kanë njohuri për vendimet specifike, që bëhen nga profesionistët e sigurisë”, tha Hillary Clinton.

Këto komente ajo i bëri në intervistat në disa rrjete televizive.

Komentet e zonjës Clinton u bënë një ditë para debatit ndërmjet presidentit Barack Obama dhe rivalit të tij republikan, Mitt Romeny, në të cilin pritet që Obama të pyetet edhe lidhur me sulmin në Konsullatën amerikane në Bengazi të Libisë.

Më herët, zoti Romney ka thënë se ky sulm paraqet dobësi të politikës së jashtme të presidentit Obama dhe e ka akuzuar administratën e tij për keqprezentim të informacioneve për sulmin në Bengazi.
XS
SM
MD
LG