Ndërlidhjet

Siri: Lakhdar Brahimi takon presidentin Assad


I dërguari i OKB-së dhe Ligës Arabe për Sirinë Lakhdar Brahimi

I dërguari i OKB-së dhe Ligës Arabe për Sirinë Lakhdar Brahimi

I dërguari ndërkombëtar për Sirinë, Lakhdar Brahimi, po takohet me presidentin e Sirisë, Bashar al-Assad, në kuadër të misionit diplomatik të tij, me qëllim të gjetjes së zgjidhjes për konfliktin në Siri.

Zoti Brahimi po kërkon armëpushim ndërmjet kryengritësve dhe forcave të Assadit, për katër ditët e festës së Bajramit, që fillon më 26 të këtij muaji.

Shumë vende, përfshirë Iranin, Irakun, Turqinë dhe Gjermaninë, e kanë mbështetur këtë ide të të dërguarit të Kombeve të Bashkuara dhe Ligës Arabe, por, tash për tash, as qeveria e Sirisë e as kryengritësit nuk e kanë pranuar.

Dje, zoti Brahimi është takuar me ministrin e jashtëm të Sirisë, Walid al-Moallem, por nuk ka dhënë deklarata për gazetarët pas këtij takimi në Damask.

Përkundër aktivitetit diplomatik, përleshjet në gjithë Sirinë kanë vazhduar.

Observatori Sirian për të Drejtat e Njeriut ka raportuar se më se 40 civilë dhe kryengritës janë vrarë. Janë vrarë, poashtu, edhe 20 ushtarë të forcave qeveritare të Sirisë.
XS
SM
MD
LG