Ndërlidhjet

SHBA: Vdiq ish senatori demokrat George McGovern


Ish senatori amerikan George McGovern (1922 - 2012)

Ish senatori amerikan George McGovern (1922 - 2012)

Ish senatori i Shteteve të Bashkuara dhe kandidat presidencial i Partisë Demokratike në zgjedhjet e vitit 1972, George McGovern, ka vdekur sot në moshën 90 vjeçare.

Familja e tij ka njoftuar se ai ka vdekur në mënyrë “paqësore”, i rrethuar nga familja dhe miqtë e tij, në vendin Sioux Falls.

I ndjeri McGovern ka shërbyer në Luftën e Dytë Botërore dhe në 35 misione ka fluturuar mbi Francën, e cila në atë kohë ishte e okupuar nga Nazistët.

Në vitin 1962 McGovern ishte zgjedhur anëtar i Senatit të Shteteve të Bashkuara.

Ai u shndërrua në një kritik të Luftës në Vetnam dhe ishte rival në zgjedhjet presidenciale kundër presidentit Richard Nixon, në vitin 1972, në të cilat humbi me diferencë të madhe.

I ndjeri McGovern ka vazhduar të shërbej si senator deri në vitin 1980, ndërsa më vonë ishte ambasador amerikan në Agjencinë për Ushqim dhe Agrikulturë të Kombeve të Bashkuara.
XS
SM
MD
LG