Ndërlidhjet

KS i OKB-së i bën thirrje Sirisë për armëpushim gjatë festës


Një nga mbledhjet e Këshillit të Sigurimit të Kombeve të Bashkuara (Pamje nga Arkiva)

Një nga mbledhjet e Këshillit të Sigurimit të Kombeve të Bashkuara (Pamje nga Arkiva)


Këshilli i Sigurimit i Kombeve të Bashkuara i ka bërë thirrje Sirisë dhe grupeve rebele që ta pranojnë propozimin për armëpushim gjatë katër ditëve të festës.

I dërguari i Kombeve të Bashkuara dhe Ligës Arabe për Sirinë, Lakhdar Brahimi ka propozuar që të dyja palët t’i lejnë anash armët gjatë festës myslimane të Eid al-Adha, e cila fillon të premten.

Në të kaluarën, Këshilli i Sigurimit ka qenë kryesisht i ndarë në çështjen e Sirisë, por përmes një komunikate të miratuar unanimisht, këshilli prej 15 vendeve anëtare u ka bërë thirrje të dyja palëve që të punojnë bashkërisht drej një “ndërprerje të qëndrueshme të dhunës”.

Qeveria siriane ende nuk ka lajmëruar zyrtarisht nëse e ka pranuar planin për armëpushim, ndërsa të paktën një grup rebel e ka refuzuar atë.
XS
SM
MD
LG