Ndërlidhjet

logo-print

Opozita siriane mblidhet në Katar


Pjesëtarë të opozitës siriane

Pjesëtarë të opozitës siriane

Qindra personalitete të opozitës siriane fillojnë sot një konferencë pesëditëshe në Doha të Katarit.

Në diskutime do të shtrohet propozimi i mbështetur nga SHBA për një ekip të ri udhëheqës 50 anëtarësh, me më shumë përfaqësues që vijnë brenda Sirisë.

Nën planin e quajtur Iniciativa Kombëtare e Sirisë, udhëheqësia e re do të përfshijë përfaqësues të armatës së Lirë Siriane, grupet politike dhe këshillat lokalë në Siri.

Burhan Ghalioun, një anëtar i lartë i Këshillit Kombëtar të Sirisë tha të shtunën se grupi është i gatshëm ta shqyrtojë idenë, por, nuk ka vendosur ende për të.

Zyrtarët amerikanë janë ankuar se mosuniteti në mesin e opozitës ka mbajtur peng përfshirjen më të madhe ndërkombëtare prapa opozitës në luftën e saj për ta rrëzuar Bashar Assad-in.
XS
SM
MD
LG