Ndërlidhjet

Marhnac takon Daçiqin, premton ndihmë për IBM-në


Xavier de Marnhac gjate nje vizite ne pikat kufitare ne veri te Kosoves, foto nga arkivi

Shefi i EULEX-it Xavier de Marnhac ka zhvilluar një sërë takimesh me zyrtarë në Beograd, përfshirë dhe kryeministrin serb Ivica Daçiç, bëhet e ditur në njoftim të EULEX-it.

"Çështjet kryesore që u diskutuan ishin vazhdimi i bashkëpunimit në mes të institucioneve serbe dhe EULEX-it në fushën e sundimit të ligjit, si dhe zbatimi i marrëveshjeve të arritura përmes dialogut të lehtësuar nga BE-ja, duke përfshirë projektin e Menaxhimit të Integruar të Pikë kalimeve (IBM)", thuhet në njoftim.

"EULEX-i është i gatshëm për të ndihmuar në lehtësimin e çdo marrëveshjeje të arritur në mes të Prishtinës dhe Beogradit. IMB mbetet prioritet për të gjithë. Roli i EULEX-it do të përcaktohet saktësisht në përputhje me mandatin e misionit dhe në kuadër të cilësdo marrëveshje të arritur midis Prishtinës dhe Beogradit ", tha de Marnhac.

Shefi i EULEX-it gjatë vizitës së tij u takua edhe me Drejtorin e Zyrës serbe për Kosovë, Aleksandar Vulin.
XS
SM
MD
LG