Ndërlidhjet

Gjenerali kroat, Ante Gotovina ka folur mbrëmë para një turme të madhe njerëzish, të cilët ishin mbledhur në qytetin e tij të lindjes, Pakostane, duke u shprehur i lumtur se më në fund, pas shumë vitesh, është kthyer në shtëpi.

“Gëzohuni, miq të dashur, sepse kjo është nata jonë, nata e fitores sonë. Pas shumë vjetësh, po kthehem në shtëpi dhe jam sonte këtu me juve”, është shpehur Gotovina para turmës prej rreth 30 mijë vetash, njofton agjencia kroate e lajmeve, HINA.

Gjykata e Hagës i liroi të premten Ante Gotovinën dhe Mlladen Markaçin, pasi tha se nuk kishte gjetur dëshmi për angazhim të përbashkët kriminal, me qëllim të largimit të popullatës civile serbe nga Krajina - territor kroat – në vitet 1990.
XS
SM
MD
LG