Ndërlidhjet

Greqia ndjehet e "poshtëruar" nga BE


Athinë...

Athinë...

Dështimi i ministrave të financave të eurozonës për të arritur një vendim brenda natës për lirimin e këstit të ardhshëm të kredisë për Greqinë ka shkaktuar reagimit të ashpra të Athinës, derisa, opozita ka thënë se është duke u “poshtëruar”.

“Qeveria po bën të gjitha çka po i kërkohen, dhe në këmbim po poshtërohet”, tha Dimitris Papadimoulis, nga partia radikale e majtë SYRIZA.

Ka reaguar edhe kryeministri Antonis Samaras, i cili tha se vonesat nuk mund të vazhdojnë dhe bëri thirrje eurozonës dhe FMN-së që të jetësojnë zotimet e tyre.

Bashkimi Evropian e ka shtyrë vendimin për t’i dhënë Greqisë këstin e radhës së paketës së saj të ndihmës.

Pas 12 orësh bisedimesh në Bruksel, ministrat e financave të Bashkimit Evropian kanë dështuar në arritjen e një marrëveshjeje dhe kanë paralajmëruar se do të takohen sërish të hënën e ardhshme.

Dallimet mbesin te çështja se si të menaxhohet më mirë borxhi i Greqisë.

Ministrat e 17 vendeve anëtare të eurozonës e mbështesin idenë e dhënies edhe të dy vjetëve shtesë për Greqinë, deri në vitin 2022, për ta sjellë borxhin e saj në 120 përqind të bruto produktit të brendshëm. Kjo përqindje konsiderohet e menaxhueshme.

Sido që të jetë, FMN-ja, kreditori i Greqisë, është duke rezistuar lidhur me këtë zgjatje të afatit.

Shuma tjetër e kredive të Greqisë e arrin vlerën e 57 milionë dollarëve. Kjo shumë i duhet Athinës për ta shmangur falimentimin.
XS
SM
MD
LG